Rossiya sog‘liqni saqlash vazirligining shtatsiz bosh diyetologi Viktor Tutelyan tanani iliq saqlash uchun qaynoq, shakarli choy ichishni maslahat berdi.

Uning fikricha, shakarli boshqa ichimliklar ham foydali.
“Faqat issiq yoki iliq shaklda. Masalan, issiq mors”, - deydi mutaxassis.

Tutelyan tanadagi issiqlikni saqlab qolish uchun tarkibida uglevod miqdori ko‘p bo‘lgan hamda yengil hazm bo‘ladigan ovqatlar iste’mol qilishni tavsiya qildi. Shu bilan birga, ular oshqozon-ichak traktida hazm qilish bilan bog‘liq muammo chiqarmasligi kerak. Diyetolog misol tariqasida bolalar bo‘tqasi va qandolatchilik mahsulotlarini keltirdi.

Shuningdek, mutaxassis sovuq kunlarda alkogol mahsulotlari iste’mol qilmaslikni tavsiya qildi.